День: 11.04.2024

11 апреля в Международный день освобождения узников фашистских концлагерей в филиале «Даниловичский Дом культуры» прошла тематическая программа «Пока живём — мы помним». Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.

     11 красавіка адзначаецца Міжнародны дзень вызвалення вязняў фашысцкіх канцлагераў, устаноўлены ў памяць аб інтэрнацыянальным паўстанні ў Бухенвальдзе. Штогод у гэту дату на Дзятлаўшчыне ладзіцца марафон памяці і ўвагі, калі прадстаўнікі мясцовай улады, грамадскіх аб’яднанняў, работнікі культуры наведваюць малалетніх вязняў фашысцкіх канцлагераў з кветкамі, падарункамі і шчырымі пажаданнямі. У гарпасёлку Наваельня ў гэты дзень гасцей вельмі чакала Ніна Голікава, якая зведала жахі вайны ў канцлагеры 6-гадовай дзяўчынкай. Да яе завіталі старшыня Новаяльнянскага сельвыканкама Людміла Радзевіч, намесніца старшыні раённай арганізацыі Беларускага саюза жанчын Таццяна Нікіпорчык і ўдзельніца арганізацыі Марына Юрчык, работнікі культуры гарпасёлка Наталля Нагорная і Галіна Сушко. Са слязамі на вачах Ніна Усцінаўна дзякавала ўсім і ўзгадвала гады вайны – самыя жахлівыя старонкі свайго дзяцінства. Горыч, боль, прыніжэнне, перажытыя ў канцэнтрацыйным лагеры, дзе яна была тры месяцы, дагэтуль помніць у дэталях. – Вельмі вас люблю, дарагія землякі, і заўжды чакаю ў госці. Жадаю, каб ніхто не хварэў, каб усе жылі ў міры і дзеткі ніколі не бачылі гэтай праклятай вайны, – пажадала ўсім Ніна Усцінаўна. У шаноўным 90-гадовым узросце жанчына не губляе аптымізму і веры ў людзей, бадзёрасці духу. Па-ранейшаму вельмі любіць сустракаць гасцей і спяваць. Гэтым разам яна таксама парадавала прысутных франтавой “Кацюшай”. Словы падтрымкі і добрыя пажаданні ў гэты дзень пачулі і дзятлаўчанкі Вера Калпінская, Галіна Сліжэўская, Раіса Венславоўская, якіх наведалі з падарункамі прадстаўнікі раённага савета ветэранаў, раённага камітэта ГА БРСМ, сектара нестацыянарнага абслугоўвання насельніцтва. Сваім гасцям і ўсім суайчыннікам жанчыны, якія зведалі выпрабаванні фашысцкіх канцлагераў, шчыра пажадалі ніколі не адчуць горыч вайны, каб неба над Беларуссю заўсёды заставалася мірным, людзі – шчаслівымі, а наша краіна квітнела і развівалася. Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.

       11 красавіка адзначаецца Міжнародны дзень вызвалення вязняў фашысцкіх канцлагераў, зацверджаны рашэннем Арганізацыі Аб’яднаных Нацый, трагічная і памятная дата ў календары. Менавіта ў гэты дзень вязні фашысцкага канцлагера Бухенвальд, даведаўшыся пра набліжэнне саюзных войскаў, паднялі ўзброенае паўстанне. Яны захапілі лагер, перабіўшы ахову, і тым самым выратавалі сябе ад знішчэння, якое рыхтавалі ім гітлераўскія карнікі. У гэты памятны дзень ва ўрочышчы Курпяшы, каля помніка па-зверску забітым фашыстамі вязням Дзятлаўскага гета, адбыўся мітынг-рэквіем. Памяць мірных жыхароў, загінулых у гады Вялікай Айчыннай вайны, ушанавалі прадстаўнікі ўлады, сілавых структур, грамадскіх аб’яднанняў, працоўных калектываў раёна, вучні гарадскіх школ, духавенства. – Усяго на тэрыторыі Германіі і акупаваных ёю краін дзейнічала больш за 14 тысяч канцлагераў, праз якія за гады вайны прайшлі 18 мільёнаў чалавек, ад 5 да 7 мільёнаў з іх – грамадзяне Савецкага Саюза. Выжылі крыху больш за мільён, – агучылі трагічную статыстыку вядучыя Анастасія Голуб і Аляксандр Раеўскі. Намеснік старшыні райвыканкама, старшыня раённай арганізацыі РГА “Белая Русь”, дэпутат раённага Савета дэпутатаў Вадзім Бялятка ўзгадаў трагічныя падзеі ваенных гадоў: ‒ 11 красавіка ўвайшло ў сусветную гісторыю як дзень вызвалення вязняў фашысцкіх канцлагераў. Мы смуткуем па ўсіх, хто стаў ахвярай бесчалавечнай нацысцкай палітыкі знішчэння цэлых народаў. Сёння мы сабраліся на адным з самых крывавых месцаў Дзятлаўшчыны, дзе ў гады Вялікай Айчыннай вайны фашысцкімі акупантамі і іх памагатымі было ўчынена жорсткае злачынства супраць мірнага насельніцтва. Кожны з нас схіляецца перад мужнасцю тых, хто і за калючым дротам канцлагераў заставаўся верным сумленню, хто ўмеў па-сапраўднаму змагацца, у кім заставалася святло надзеі. І галоўная наша задача – зрабіць усё магчымае, каб пакаленні, якія жывуць у мірны час, помнілі аб страшных выпрабаваннях. Навучэнцы гімназіі № 1 горада Дзятлава расказалі пра гісторыю ганення і знішчэння яўрэяў на Дзятлаўшчыне, трагедыю добрых, таленавітых мірных людзей, жыццё якіх заўчасна абарвала вайна. У гэты дзень аб міры на беларускай зямлі і спачыне несмяротных душаў тых, хто не дажыў да Перамогі, памаліліся прадстаўнікі духавенства. – Гэтыя маўклівыя мясціны прамаўляюць да нашых сэрцаў, нашых душаў, – заўважыў настаяцель касцёла Унебаўзяцця Найсвяцейшай Панны Марыі ксёндз-пробашч Андрэй Лішко. – Мы дзякуем нашым гераічным продкам, загінулым у гады Вялікай Айчыннай вайны, за дар жыцця, мірнае неба, радасць, якую мы маем. Бо яны аддалі сваё жыццё, каб мы сёння жылі. – Зямля, дзе нашы карані, дзе нарадзіліся дзяды і прадзеды, свяшчэнная для кожнага з нас. І мы, як некалі нашы продкі, павінны быць гатовы абараняць Айчыну нават цаной свайго жыцця, – дадаў клірык сабора святых навамучанікаў і спаведнікаў Царквы Рускай у Дзятлаве іерэй Аляксей Сцепановіч. Удзельнікі мітынгу ўшанавалі памяць загінулых хвілінай маўчання, усклалі да помніка кветкі, вянкі.   Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.

       Отделом по работе с детьми и молодежью Центра культуры для учащихся школ г. Дятлово в рамках республиканской профилактической акции «Дом без насилия» проведена тематическая программа «Детство без жестокости и насилия», с приглашенным психологом УЗ «Дятловская центральная районная больница».     Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.