Блог

Агульнавядома, што кожны рэгіён Беларусі мае свае адметныя стравы з таркаванай бульбы, рэцэпты якіх перадаюцца гаспадынямі з пакалення ў пакаленне.  Пасля прысваення элементу статусу нематэрыяльна-культурнай спадчыны, дранікі, сталі гастранамічным брэндам і Дзятлаўскага р-на.

Усе гаспадыні Дзятлаўшчыны ведаюць, што з 2022 года   гатуюць на сваіх кухнях не проста стравы з бульбы, а элемент нематэрыяльнай культурнай каштоўнасці, носьбітамі ці пераемнікам якой яны з’яўляюцца.

Аднак у кожнай з іх свае “разынкі”. Метадыст метадычнага аддзела Таццяна Палуносік карыстаецца рэцэптам дзеруноў сваёй бабулі Браніславы Язерскай 1933 г.н. з вёскі Заполле.