Абрад «Пірагі

28 верасня  творчым калектывам Наваельнянскага Дома культуры праведзены вясельны абрад “Пірагі”,  у рамках этна-праекта “Народнаму скарбу — век векаваць”. З даўніх часоў  бытуе тут такі звычай. Праз нядзелю пасля вяселля бацькі маладой запрашаюць да сябе  блізкую радню маладога  на “пірагі”.Уся радня маладога, ён сам і маладая разам з вясельным караваем,які цэлую нядзелю разам з маладою знаходзіўся ў маладога, едуць да бацькоў маладой. Гэты звычай таму і называўся “пірагамі”, што вясельны каравай дзялілі мінавіта ў маладой праз нядзелю пасля вяселля. А ў дапаўненне пяклі яшчэ і маленькія булачкі.