Цэнтрам прыцягнення раённага фестывалю-кірмаша працаўнікоў сяла “Дажынкі-2026” у Дзятлаве стала выстава-конкурс з прэзентацыяй дажыначных снапоў і караваяў з сімвалічнай назвай “Спявае колас хлебу песню”.
Відовішчная дзея разгарнулася на плошчы 17 Верасня і зацікавіла не толькі конкурсную камісію на чале са старшынёй райвыканкама Андрэем Садоўскім і старшынёй раённага Савета дэпутатаў Аляксандрам Бараноўскім, але і іншых удзельнікаў і гасцей свята.
Ярка, крэатыўна, прыгожа, вытанчана. Адразу відаць, што над дажыначнымі шэдэўрамі майстры працавалі не адну гадзіну, праявілі фантазію і ўклалі ў кожны экспанат частачку сваёй любові. Нездарма журы і гледачы затрымліваліся каля кожнага імправізаванага стэнда, здзіўляючыся майстэрству і акуратнасці выканання.
Духмяныя каласы, кветкі, стужкі, колеры нацыянальнай сімволікі – усё гэта сапраўдная песня – гімн нялёгкай, але такой пачэснай і важнай працы хлебароба.
Таксама на свяце працуе выстава сельскагаспадарчай тэхнікі.
Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.
