Над Дзятлавам мірная песня – гучы (+відэа)
Урачыстасць з сімвалічнай назвай “Дзятлава ў сэрцы маім” прадоўжыла святочную праграму з нагоды 80-годдзя вызвалення нашага горада ад нямецка-фашысцкіх захопнікаў. Каля раённага Цэнтра культуры і народнай творчасці гасцей сустрэчы чакала тэматычная рэканструкцыя “Сустрэча пасля вайны”, побач на “Сонечнай палянцы” размясціўся імправізаваны партызанскі лагер з лясной школай, у дзяцей і ўсіх жадаючых была магчымасць разгледзець і патрымаць у руках зброю, пафатаграфавацца на памяць з ваеннаслужачымі ў поўнай амуніцыі з ваеннай часці 33933 горада Слоніма. На пляцоўцы цэнтра пад гукі духавога аркестра гэтай ваеннай часці ладзіліся выставы, якую падрыхтавалі работнікі Дзятлаўскага гісторыка-краязнаўчага музея, раённай бібліятэкі. У фае гасцей чакала выстава-прэзентацыя аддзела адукацыі райвыканкама па выніках праекта “Беражом мінулае, цэнім сучаснае, будуем будучыню”, дзе свае юбілейныя дыярамы ў разрэзе раённага праекта “Вайна вачамі дзяцей” прадставілі ўсе школы раёна. Гэтаму папярэднічала маштабная даследчая работа школьнікаў па вывучэнні падзей Вялікай Айчыннай вайны на Дзятлаўшчыне, таму кожная дыярама ўвасобіла адзінства інфармацыйнага, гістарычнага, навуковага кампанентаў успрыняцця ваенных падзей. А работа навучэнцаў сярэдняй школы № 3 горада Дзятлава цяпер прадстаўляе наш раён у вобласці, у Гродзенскай бібліятэцы імя Я. Ф. Карскага. Выстава складалася з трох частак: “Мы памятаем”, “Мы ганарымся”, “Мы шануем”. Першую з іх тэатралізаваным выступленнем адкрылі самыя маленькія ўдзельнікі – выхаванцы дзіцячага сада № 1 горада Дзятлава. Са святочнай сцэны песнямі, вершамі і музычнымі нумарамі родны горад і Беларусь славілі артысты і юныя таленты Дзятлаўшчыны. З лепшымі пажаданнямі і яркім песенным падарункам наш раён наведалі суседзі – народны ансамбль народнай песні “Ярыца” Мастоўскага раённага цэнтра культуры. Свята атрымалася яркім, цёплым, запамінальным. Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.
Нам даверана памяць. Дзятлаўчане адзначылі 80-годдзе вызвалення горада ад нямецка-фашысцкіх захопнікаў
Урачыстыя мерапрыемствы распачаліся мітынгам на сакральным для жыхароў раёна месцы – каля помніка Героям Савецкага Саюза Яну Фогелю і Паўлу Пятрову і брацкай магілы загінулых воінаў. Тут сабраліся прадстаўнікі ўлады, сілавых структур, грамадскіх аб’яднанняў, працоўных калектываў, навучэнцы школ, каб ушанаваць воінаў, якія аддалі жыццё за мір на Зямлі. 9 ліпеня – асаблівая дата для нашага раёна: у гэты дзень, 80 гадоў таму доўгачаканую свабоду ад нацысцкага прыгнёту на нашу малую радзіму прынеслі войскі Чырвонай арміі разам з партызанамі Ленінскай брыгады, часцямі дывізій 3-й арміі і авіяцыі. У ноч на 9 ліпеня быў дадзены загад разбамбіць пераправы і знішчыць жывую сілу і тэхніку ворага. Было зроблена 100 вылетаў, загад выкананы бліскуча. А днём 9 ліпеня 1944 года ў выніку паспяховага наступлення часці 283-й стралковай дывізіі пад камандаваннем палкоўніка Васіля Андрэевіча Канавалава вызвалілі тады гарадскі пасёлак Дзятлава. Са святам вызвалення горада Дзятлава ад нямецка-фашысцкіх захопнікаў прысутных павіншаваў старшыня райвыканкама Андрэй Садоўскі. – Сёння, знаходзячыся нагэтым святымдля кожнагаз нас месцы, калябрацкаймагілы, у якой пахаваны 64 ваеннаслужачыя і партызаны, якія паклалі жыцці пры вызваленні Дзятлаўскага раёна, і каля помніка Героям Савецкага Саюза Яна Фогеля і Паўла Пятрова – сімвалаў воінскай доблесці і славы, мы аддаём даніну павагі і памяці землякам, загінулым на палях бітваў у імя вызвалення Радзімы, нізка схіляем галовы перад памяццю герояў, якія падарылі нам права свабодна жыць на роднай зямлі, – адзначыў Андрэй Уладзіміравіч. – Наш гістарычныабавязакперад мінулымі будучым – захаванне памяці аб вялікім подзвігу нашых бацькоў і дзядоў, усіх тых, хто ўнёс неацэнны ўклад у перамогу над ворагам, тых, хто сваёй тытанічнай працай штодня аднаўляў раён у пасляваенныя гады. Дарагія сябры! У гэты знамянальны дзень ад усёй душы жадаю вам моцнага здароўя, шчасця, дабрабыту, новых поспехаў і мірнага неба над галавой. Няхай гэты дзень заўсёды будзе святам сілы духу і гонару за нашых землякоў і Айчыну. Намеснік старшыні аблвыканкама Андрэй Жук агучыў віншавальны адрас старшыні Гродзенскага аблвыканкама Уладзіміра Караніка: – Дарагія сябры! Віншую вас з 80-годдзем вызвалення Дзятлаўскага раёна і ўсёй Гродзенскай вобласці ад нямецка-фашысцкіх захопнікаў. Сустракаючы гэту свяшчэнную дату, мы адзначаем знакавасць знішчэння нацызму, вялікую каштоўнасць нашай свабоды і незалежнасці, аддаём даніну тым, хто падарыў нам будучыню, шануем памяць і прадаўжаем закладзеныя імі традыцыі. Нізкі паклон і бязмежная ўдзячнасць пакаленню пераможцаў. Яно – узор самаахвярнага служэння Радзіме, нязломнай волі і цвёрдасці духу, эталон абавязку, гонару і вернасці. Восем дзесяцігоддзяў аддзяляюць нас ад самай крывавай вайны ў гісторыі чалавецтва. Столькі часу мы пішам слова Перамога з вялікай літары, падкрэсліваючы значэнне Перамогі савецкага народа ў барацьбе з фашызмам. Да віншаванняў далучыўся член Савета Рэспублікі Нацыянальнага сходу Рэспублікі Беларусь восьмага склікання, дэпутат Гродзенскага абласнога Савета дэпутатаў Андрэй Жамойда, узгадаўшы ваенную гісторыю сваёй сям’і. – Дзятлаўшчына – гераічны раён. Адметна, што адсюль у 1944 годзе мой дзед Герасім Фёдаравіч Жамойда адправіўся вызваляць Еўропу ад фашыстаў – тых, хто вырашыў скарыць нашу вялікую савецкую краіну, аднак у іх гэта не атрымалася. Ганаруся подзвігам свайго гераічнага продка, які пасля вайны служыў радзіме стваральнай працай – аднаўляў горад Бярозаўку, быў дэпутатам, – расказаў Андрэй Пятровіч. – І сёння, калі вакол нашай краіны капаюць акопы і сцягваюць ваенную тэхніку, мы, беларусы, нашчадкі герояў, ствараем: будуем дамы, дарогі, бальніцы, жывём і развіваемся. Дзятлаўчан ведаюць далёка за межамі раёна, паважаюць за іх гаспадарлівасць і гасціннасць. Сёння прыміце шчырыя віншаванні з юбілеем вызвалення вашага цудоўнага горада ад нямецка-фашысцкіх захопнікаў. Жадаю вам мірнага неба над галавой, здароўя і дабрабыту. Малітву за салдат і мірных жыхароў, загінулых у гады Вялікай Айчыннай вайны, узнеслі настаяцель касцёла Унебаўзяцця Найсвяцейшай Панны Марыі ксёндз-пробашч Андрэй Лішко і клірык сабора Святых навамучанікаў і спаведнікаў Царквы Рускай у Дзятлаве іерэй Аляксей Сцепановіч. У 2024 годзе горад Дзятлава быў адзначаны вымпелам “За мужнасць і стойкасць у гады Вялікай Айчыннай вайны”. З Дня Перамогі да дня вызвалення горада ўзнагарода з пашанай перадавалася па навучальных установах раёна. У час мерапрыемства вымпел урачыста перадалі ў Дзятлаўскі гісторыка-краязнаўчы музей, у экспазіцыі якога ён будзе захоўвацца. У гэты святочны дзень на сакральным месцы моладзь Дзятлаўшчыны заклала ў фундамент помніка воінам-вызваліцелям капсулу Памяці з пасланнем нашчадкам, якая будзе захоўвацца тут 70 гадоў. Яго тэкст склалі і агучылі навучэнцы гімназіі № 1 горада Дзятлава. – Мы любім родную Беларусь і верым, што і ваша пакаленне застане яе мірнай, светлай, прыязнай і гасціннай! Мы ведаем, што вы прадоўжыце традыцыі нашай краіны, увасобіце нашы мары пра жыццё ў самым адкрытым і цывілізаваным грамадстве. Мы ўпэўнены, вы прымножыце нашы дасягненні, перадаўшы гэты вопыт сваім нашчадкам, якім наканавана ўбачыць такія вяршыні чалавечай цывілізацыі, пра якія сёння нават складана марыць. Мы верым у вас, яшчэ не ведаючы, якімі вы будзеце, але гэтая вера дае права думаць, што вы будзеце лепшымі і мацнейшымі. Ва ўсе часы рухавіком прагрэсу была і будзе моладзь. Адважвайцеся, імкніцеся да вяршыняў, памятайце, што гуманізм, талерантнасць, чалавекалюбства, дабрыня кіравалі і будуць кіраваць светам. Няхай гэтыя ідэі ад нас пяройдуць да вас, а ад вас – да вашых нашчадкаў. Мы верым, што і праз 70 гадоў над Беларуссю, светлай і мірнай, будзе свяціць цёплае сонца, лунаць Сцяг Перамогі, а па роднай зямлі будуць хадзіць удзячныя людзі, якія ведаюць праўду і памятаюць гісторыю! – сказана ў пасланні. Удзельнікі мітынгу ўшанавалі памяць загінулых хвілінай маўчання, усклалі да Вечнага агню і помнікаў кветкі, вянкі. Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.