Месяц: Октябрь 2021

15 октября работники Новоельнянского ДК провели рейд-поздравление  для жителей д. Охоново с поздравительной  открыткой «Лучшее, любимое и только для вас…»

На открытой площадке отдела культуры и досуга «Козловщинский ДК» прошла концертная программа «Обниму тебя ласково, Мама!»

14 октября в аг. Крутиловичи состоялась праздничная концертная программа «Мама, любимая моя!», посвященная Дню матери.  В исполнении юных артистов звучали песни о мамах. Один за другим на сцену выходили юные таланты. Участники концерта пели песни, читали стихотворения, и все это посвящалось любимым мамам. Кто-то делал первые шаги на сцене, кто-то в очередной раз доказывал свой талан. Матери с восхищением наблюдали за выступлениями своих детей и от души радовались. После каждого детского выступления не стихали громкие аплодисменты. Концертная программа получилась яркой, зрелищной и запоминающейся. Концертная программа была подготовленная творческим коллективом ОКиД «Даниловичский Дом культуры» совместно с Крутиловичским д/с-СШ.

Творческие работники Жуковщинского Дома культуры поздравили С Днём матери народный фольклорный коллектив д. Погиры.

На открытой площадке Дворецкого Дома культуры прошла концертная программа «Матулiна калыханка», посвящённая Дню матери.

14 октября творческие работники Новоельнянского Дома культуры провели праздничный концерт посвящённый Дню Матери.

У двары цэнтральнай раённай бальніцы адбыўся канцэрт-віншаванне, прымеркаваны да Дня маці. Яго падарылі матулям-медыкам адміністрацыя ўстановы і артысты Дзятлаўшчыны. Галоўны доктар Дзятлаўскай ЦРБ Алег Анцух павіншаваў сваіх абаяльных калег са святам: – Быць мамай – гэта цяжкая штодзённая праца, стан душы, лад жыцця ў інтэнсіўным рэжыме дваццаць чатыры гадзіны сем дзён на тыдзень. Акрамя гэтага, ваша дзейнасць у бальніцы звязана з міласэрнасцю і дапамогай людзям. Вы моцныя, вы з усім паспяхова спраўляецеся. У Дзень маці, які смела можна лічыць вашым другім прафесійным святам, жадаю моцнага здароўя вам і вашым дзецям, удачы і мірнага неба. У час святочнага мерапрыемства на імправізаванай сцэне ўшаноўвалі шматдзетных матуляў, якія працуюць у раённай бальніцы. Сярод іх ёсць асабліва “багатыя”: Ірына Храноўская – мама шасцярых дзяцей, Святлана Тадарэнка, якая выхоўвае пяцярых дзяцей, Інга Матук – матуля чацвярых дзяцей. З нагоды свята ім уручылі памятныя дыпломы і кветкі. Песенныя падарункі мамам у гэты дзень дарылі Ганна Харлінская, Іван Кашко, Алена Варабей, Аксана Кашляк і Сяргей Малышчык.

Кожны раён славіцца не толькі сваімі прамысловымі і сельскагаспадарчымі дасягненнямі. Багацце Дзятлаўшчыны – гэта яшчэ і работнікі культуры, якія ўмеюць гасцей урачыста сустрэць, людзям пасля напружаных працоўных будняў даць якасны адпачынак. Менавіта яны, заўжды прыгожыя і энергічныя, напаўняюць жыццё дзятлаўчан яркімі фарбамі. Яны з’яўляюцца візітнай карткай раёна на фестывалях і конкурсах, захоўваюць і распаўсюджваюць мясцовыя традыцыі. Увогуле, шмат чаго могуць і ўмеюць нашы любімыя артысты і калектывы. А як і дзе арганізаваць самы правільны адпачынак, напэўна добра ведаюць у аддзеле метадычнай работы раённага цэнтра культуры і народнай творчасці, які ўзначальвае малады перспектыўны кіраўнік Марына Лукіянец. Кажуць, часта так бывае, што не чалавек выбірае прафесію, а наадварот. Кім яшчэ магла стаць таленавітая, вясёлая, энергічная вучаніца школы № 1 горада Дзятлава, як не работнікам культуры? Колькі сябе помніць, Марына Лукіянец заўсёды стаяла на сцэне: удзельнічала ў правядзенні ранішнікаў і канцэртаў, у конкурсах самадзейнасці. За сваю пазакласную актыўнасць яна нават была ўзнагароджана паездкай у рэзідэнцыю Дзеда Мароза на зімовых канікулах. Аб прафесіі асабліва не задумвалася, пакуль усё не вырашыў выпадак: у школу на ўрок прафарыентацыі ў 11 класе прыйшла знаёмая Марына Шаўчук. З яе лёгкай рукі дзяўчына паступіла ў Гродзенскі дзяржаўны каледж мастацтваў на аддзяленне “рэжысура абрадаў і святаў”. Прыехала на практыку ў роднае Дзятлава і ўжо на выпускным курсе прыйшла працаваць у раённы цэнтр культуры, завочна завяршаючы адукацыю. У 2015 годзе атрымала вышэйшую адукацыю па той жа самай спецыяльнасці ў Беларускім дзяржаўным універсітэце культуры. Працавала рэжысёрам, мастацкім кіраўніком і ў выніку ўзначаліла раённы метадычны аддзел Цэнтра культуры. – Я аналітык, – тлумачыць Марына Лукіянец сэнс сваёй работы. – Мая задача – бачыць патэнцыял культуры раёна і правільна раскрываць яго, вывучаць попыт дзятлаўчан на адпачынак і задавальняць іх культурнымі мерапрыемствамі. Мне даводзіцца ўзаемадзейнічаць з клубнымі ўстановамі ўсёй Дзятлаўшчыны, падказваць ім, накіроўваць. Каб прафесійнае або брэндавае мерапрыемства прайшло так, як трэба, Марына Уладзіміраўна асабіста абмяркоўвае з арганізатарамі ўсе нюансы: ад выхаду вядучых – да знешняга выгляду дзяўчат, якія будуць выносіць узнагароды. – На такіх дробязях трымаецца ўся карціна мерапрыемства. Калі недзе ўзнікне паўза ці замінка, градус настрою можа рэзка пайсці ўніз, – дадае яна. Жанчына кажа, што на масавых мерапрыемствах яна амаль заўсёды побач з артыстамі: сочыць за выхадамі на сцэну па сцэнарыі (да многіх святаў яны напісаны ўласнай рукой Марыны Уладзіміраўны), за работай мікрафонаў, каб усё прайшло як мае быць. – Ці часта даводзіцца самой стаяць на сцэне і ці падабаецца гэта? – Не раз выходзіла да гледачоў у ролі вядучай, вельмі люблю выступаць у тэатралізаваных пастаноўках, асабліва на Новы год. Часцей за ўсё іграю герояў антаганістаў, якія ажыўляюць мерапрыемства. – Бачыце сябе ў ролі спявачкі? – Зусім не. Заўжды працавала ў размоўным жанры. – Якая яна, прафесія культработніка? – Нягледзячы на, здавалася б, бясконцае свята, хлеб артыста і клубнага работніка зусім не лёгкі. Мы працуем на нагах, аддаём сваю энергію тысячам людзей. – Работнік культуры гэта… – … не проста работа або спецыяльнасць. Гэта асаблівае звяно ў жыцці грамадства, без якога ўсё рассыплецца, бо клубныя работнікі нясуць людзям не толькі свята. Гэта збіральнікі, захавальнікі мясцовых традыцый, якія мы ўкараняем сярод насельніцтва, займаючыся з дзеткамі ў гуртках, праводзячы брэндавыя мерапрыемствы. – Вы малады кіраўнік. Адкуль бяруцца вопыт і ідэі? – Тут дапамагаюць семінары і сустрэчы з калегамі. Напрыклад, сёлета я ў саставе дэлегацыі Гродзенскай вобласці наведвала фестываль вішні ў Віцебскай вобласці. Ён там праводзіцца зусім па-іншаму, чым нашы мерапрыемствы. – Што б зрабілі, калі б былі дэпутатам? – Прапанавала б законапраект аб тым, каб работнікі культуры працавалі да 45 гадоў, бо іх павінны бачыць толькі прыгожымі і прывабнымі, каб настрой быў сапраўды святочны. – Як працуецца ў жаночым калектыве? – Я не схлушу, калі скажу, што мы адчуваем адна адну на ўзроўні настрою. Мы тут не проста калектыў, мы каманда аднадумцаў, без перабольшвання, працоўная сям’я. Люблю, паважаю сваіх супрацоўнікаў і ведаю, што гэта ўзаемна. Кожны культработнік раёна ведае сваю працу, абавязкі і адказнасць. Творчасць – гэта, безумоўна, палёт, але ў сваіх межах. – Як сям’я ставіцца да таго, што вы працуеце ў сферы культуры? – Сын Марцін ганарыцца, кажа: “Мая мама працуе ў Доме культуры”. Муж мірыцца, але не вельмі разумее нюансы маёй работы. Таму стараюся не ўдзельнічаць у вячэрніх мерапрыемствах, а бавіць час з сям’ёй. – Што пажадаеце работнікам культуры да прафесійнага свята? – Найперш, берагчы сябе. Ад таго, як мы будзем адпачываць, харчавацца, сачыць за знешнім выглядам, залежыць і поспех у працы, і абстаноўка дома. Жадаю моцнага здароўя і невычэрпнай энергіі, гарэць сваёй справай, але не перагараць. Калегі – пра Марыну Лукіянец Таццяна Палуносік: – Наш шэф – ключ энергіі, ядро нашага калектыву. У нас тут заўжды ярка, цёпла і ўтульна. Таццяна Дудкіна: – З такой калегай хочацца хадзіць на працу, бо ведаеш, што тут цябе сустрэне ўсмешлівая, завадная, але разам з тым мудрая кіраўніца. Таццяна Янушкевіч: – Марына Уладзіміраўна вельмі дасведчаная ў сваёй працы, перспектыўная. Веру, што ўсё лепшае ў яе наперадзе. Як кіраўнік, яна падкажа, падтрымае, дасць неабходны зарад бадзёрасці. Дзінара Харошка: – З радасцю лячу на работу, бо тут прыемна і добры настрой, што, дарэчы, не перашкаджае выкананню нашых абавязкаў. Калі дома на выхадных, пачынаю сумаваць па сваім калектыве. Ірына Бакшук: – Разумная, добразычлівая, дасціпная. Акрамя таго, абаяльная і прывабная. Марына Варган: – Яна душа кампаніі, вельмі добры, справядлівы кіраўнік. Выконвае свае абавязкі на найвышэйшым узроўні. Ганна Харлінская: – Каардынатар ва ўсім – гэта пра нашу Марыну. Вельмі ганаруся, што знаёмая і працую з гэтым чалавекам. Яна розная, умее знайсці падыход да кожнага і вырашыць пытанні спакойна, без шкоды для іншых. Шчыра жадаю ёй кар’ернага росту і поспехаў ва ўсім.

У межах акцыі “Свята ў кожны дом” работніцы раённага цэнтра культуры і народнай творчасці павіншавалі ветэранаў працы сферы культуры горада Дзятлава з надыходзячым прафесійным святам. Святочная брыгада ў саставе Алы Чарняўскай, Марыны Варган, Таццяны Палуносік і Таццяны Шостка наведала былых калег па працы з прыемнымі сюрпрызамі, кветкамі і, вядома, добрымі песнямі. Віншаванні прымалі спявачка, кіраўніца народнага фальклорнага калектыву вёскі Погіры Тамара Ступак, метадыст Цэнтра культуры і народнай творчасці Ірына Маскаль, удзельнік народнага калектыву “Суседзі” Мікалай Палюшэвіч, а таксама вядомы ў Беларусі і за яе межамі гарманіст Васіль Шпігановіч. – Мы вам жадаем, каб да вашых хат сцежкі не ведаў ні ўрач, ні адвакат, – гучала песеннае віншаванне. Маладыя калегі пажадалі старэйшым таварышам моцнага здароўя і заўсёды быць патрэбнымі людзям. У кожным з сельскіх Дамоў культуры далучыліся да віншавальнай акцыі, наведаўшы сваіх ветэранаў працы.

МЫ ПОМНИМ И ЦЕНИМ КАЖДОГО!!! В этот замечательный праздничный день мы продолжаем поздравлять ветеранов отрасли культуры!!!! Творческий коллектив ОКиД «Козловщинский ДК» Дятловского района поздравил Мартинчик Галину Михайловну и Колодич Зою Константиновну с профессиональным праздником — Днём работника культуры!