Месяц: Июль 2020

5 июля работники «Новоельнянского Дома культуры» провели мини — концертную развлекательную программу «Предкупальская ночка». В программе были предложены игры, загадки, а также ведущая рассказала какие обычаи проводились на празднике Купалье. Завершением мероприятия стала диско-программа.

У гаспадарцы стала добрай традыцыяй спраўляць “Зажынкі” на пачатку такой важнай сельскагаспадарчай падзеі, як жніво. Гранітаўцы першыя ў раёне выпраўляюцца на абмалот палеткаў з азімым ячменем, а затым надыдзе чарга і астатніх сельскагаспадарчых культур. На мехдвары ў Круцілавічах адбыўся своеасаблівы “парад” збожжаўборачнай тэхнікі. На лінейку гатоўнасці выстраіліся і  камбайнавыя экіпажы, і вадзіцелі, якія будуць адвозіць намалочаны ўраджай, і  іх тэхніка. На жніве-2020 будуць працаваць 12 камбайнавых экіпажаў, у склад якіх ўвайшлі вопытныя камбайнеры, неаднаразовыя пераможцы працоўнага спаборніцтва. Сярод іх камбайнавыя экіпажы ў складзе Уладзіміра і Андрэя Гукішаў, Уладзіміра і Івана Чарняўскіх, Сяргея і Дзмітрыя Жыхоў. На пачатку свята да прысутных звярнуўся кіраўнік ААТ “Граніт-Агра” Станіслаў Мазур. Ён выказаў упэўненасць, што жніўная пара пройдзе плённа, гаспадарка будзе з добрым набыткам, а кожны на сваім працоўным месцы паспрыяе добрым вынікам. Станіслаў Станіслававіч пажадаў хлебаробам найперш здароўя, удачы, высокіх намалотаў і, вядома ж, добрага надвор’я. Блізкім і родным хлебаробаў кіраўнік гаспадаркі  выказаў пажаданне быць цярплівымі, падтрымліваць у нялёгкай хлебаробскай справе. Як падзяку за добрыя пажаданні, дырэктару ААТ “Граніт-Агра” быў уручаны першы зажыначны сноп. Як паведамілі вядучыя свята, яго склалі з каласоў розных палёў і атрымаўся ён прыгожым і важкім. Гэты першы сноп перадаў дырэктару ААТ лепшы камбайнавы экіпаж Гукішаў, Уладзімір і яго сын Андрэй штогод  па намалотах у тысячніках. Ёсць упэўненасць, што і сёлета гранітаўцы будуць з добрымі намалотамі. Варта зазначыць, што па папярэдніх “прагнозах” на палетках спее добры ўраджай. Нездарма ж ААТ “Граніт-Агра” стаў пераможцам нядаўняга агляду пасеваў сельскагаспадарчых культур. Сёлета гаспадарцы належыць убіраць збожжавыя на плошчы звыш трох тысяч гектараў. Павіншавала ўдзельнікаў жніва з пачаткам жніўнай працы  кіраўнік спраў Данілавіцкага сельвыканкама Галіна Дворык. Да яе віншаванняў далучыліся галоўныя спецыялісты сельгаспрадпрыемства  Андрэй Падліпскі і Алена Майсейчык. Яны пажадалі ўдзельнікам жніва якаснай працы, моцнага здароўя, каб не падводзіла тэхніка і надвор’е. Па добрай  традыцыі да свята «Зажынак» былі выпечаны і вялікія караваі, і каравайчыкі-кексы. Імі надзялілі ўсіх прысутных на свяце з зычаннем: “У добры шлях!” Добрай, шчырай працы і Божай дапамогі зычылі працаўнікам святары – настаяцель прыхода храма Нараджэння Прасвятой Багародзіцы гарпасёлка Наваельня протаіерэй Валерый  Мануйла і  настаяцель храма Прасвятога Сэрца Госпада Ісуса ксёндз-магістр Алег Жураўскі. Яны благаславілі хлебаробаў, уручылі іконкі, асвяцілі збожжаўборачныя камбайны і іншую сельскагаспадарчую тэхніку. Працаўнікі Данілавіцкага дома культуры парупіліся, каб настрой у хлебаробаў быў добры. Музычныя віншаванні падрыхтавалі прысутным на ўрачыстасці самадзейныя артысты. Паспявалі вясёлыя песні Алеся Адамчык, Карына Хоміч, Яўгенія і Іна Анушкевічы. Жніўная пара ў ААТ “Граніт-Агра” распачата.

В Новоельнянском ДК  прошла праздничная концертная программа  посвященная Дню Независимости «Беларусь- ее имя Победа». Работала выставка посвященная  80 — летию образования Дятловского района» Прошлое и современное»  . Для детей работал аттракцион » Батут».Продолжился праздник праздничной дискотекой.

3 июля в ОКиД «Козловщинский ДК» состоялся праздничный концерт «Жыві, квітней, родная Беларусь»,посвящённый Дню Независимости Республики Беларусь. Параллельно  концерту демонстрировалась выставка детского рисунка «Я  рисую Беларусь»

Увечары на плошчы 17 Верасня ў Дзятлаве сабраліся прадстаўнікі старэйшага пакалення і моладзь. Заключным акордам святкавання Дня Незалежнасці Рэспублікі Беларусь і 80-годдзя ўтварэння Дзятлаўскага раёна стала выкананне дзяржаўнага гімна нашай краіны. Так дзятлаўчане падтрымалі рэспубліканскую акцыю “Спяём гімн разам”.

Пад такой назвай 3 ліпеня на плошчы 17 Верасня ў Дзятлаве прайшло ўрачыстае адкрыццё мерапрыемстваў, прымеркаваных да галоўнага дзяржаўнага свята – Дня Незалежнасці Рэспублікі Беларусь і 80-годдзя ўтварэння Дзятлаўскага раёна. Урачыстасць пад адкрытым небам стала кульмінацыяй ў эстафеце раённых падзей, звязаных з гэтымі важнымі каляндарнымі датамі. “Жытнёвае поле, лясы і азёры” – вось краявіды нашай старонкі. Песня-прысвячэнне “Люблю цябе, Белая Русь” у выкананні Тамары Ступак задала тон святу. Паколькі дзятлаўчане адзначылі яшчэ і юбілей раёна, выдалася нагода ўзгадаць найбольш значныя падзеі мінулага роднай старонкі, у тым ліку суровы час Вялікай Айчыннай вайны на Дзятлаўшчыне, радасць і набыткі мірных дзён. Са словамі віншавання да ўдзельнікаў свята звярнуўся старшыня Дзятлаўскага раённага выканаўчага камітэта Андрэй Садоўскі: – Дзень Незалежнасці з’яўляецца сімвалам суверэнітэту і свабоды нашай Радзімы, гераічнага мінулага і шчаслівай будучыні беларускага народа. У гэты дзень мы аддаём даніну павагі гераізму франтавікоў, працаўнікоў тылу, партызан, падпольшчыкаў, якія прынеслі нам свабоду, смуткуем аб мільёнах загінулых дзеля Вялікай Перамогі. Эстафету слаўных справаў у ветэранаў вайны годна прымае пакаленне нашчадкаў Перамогі, якое здольна захоўваць і памнажаць набыткі дзядоў і прадзедаў, забяспечваць мір і бяспеку, умацоўваць суверэнітэт беларускай дзяржавы. Так супала, што сёлета мы святкуем яшчэ і юбілей утварэння Дзятлаўскага раёна. За восем дзесяцігоддзяў пройдзена нямала выпрабаванняў, але Дзятлаўшчына з кожным годам становіцца больш прыгожай, дзякуючы энергіі, працы і таленту жыхароў, іх клопатам пра малую радзіму. Імёны самых заслужаных землякоў занесены ў Кнігу Славы Дзятлаўскага раёна, і сёння гэтая кніга папоўніцца. Яшчэ нямала належыць зрабіць для дасягнення пастаўленых мэтаў, забеспячэння годнага жыцця і абароны інтарэсаў кожнага жыхара раёна. Упэўнены, што разам мы справімся: даможамся поспехаў у развіцці і росквіце роднай Дзятлаўшчыны. На святкаванні Дня Незалежнасці і юбілею раёна ў Дзятлаве прысутнічаў ганаровы госць, наш зямляк – дэпутат Палаты прадстаўнікоў Нацыянальнага сходу Рэспублікі Беларусь Уладзімір Сіняк. Ён прыехаў з пачэснай місіяй – прывёз і зачытаў дзятлаўчанам віншавальны адрас з 80-годдзем утварэння Дзятлаўскага раёна за подпісам старшыні Палаты прадстаўнікоў Нацыянальнага сходу Рэспублікі Беларусь Уладзіміра Андрэйчанкі. Яшчэ адным прыемным “пасланнем” стала Падзяка старшыні Палаты прадстаўнікоў Нацыянальнага сходу Рэспублікі Беларусь Уладзіміра Андрэйчанкі. Гэтай дзяржаўнай узнагародай адзначаны дырэктар ААТ “Граніт-Агра” Станіслаў Мазур. – Усе мы ведаем, што ААТ “Граніт-Агра” – флагман вытворчасці, як у раслінаводстве, так і ў жывёлагадоўлі не толькі Дзятлаўскага раёна, але і Гродзенскай вобласці. Дэпутаты палаты Прадстаўнікоў адзінагалосна падтрымалі хадайніцтва Дзятлаўскага райвыканакама аб уручэнні Станіславу Станіслававічу Мазуру Падзякі старшыні Палаты прадстаўнікоў Нацыянальнага сходу Рэспублікі Беларусь Уладзіміра Андрэйчанкі “за шматгадовую добрасумленную працу, узорнае выкананне службовых абавязкаў”, – перадаючы ўзнагароду зазначыў Уладзімір Сіняк. Сімвалічна, што ў час свята таксама былі ўрачыста ўшанаваны пераможцы раённага спаборніцтва, якія дасягнулі высокіх паказчыкаў у эканамічным і сацыяльна-культурным развіцці па выніках работы за 2019 год. Гэта лепшыя працоўныя калектывы і перадавікі вытворчасці Дзятлаўшчыны. Сертыфікаты аб занясенні на раённую Дошку гонару і дыпломы ўручыў старшыня Дзятлаўскага раённага выканаўчага камітэта Андрэй Садоўскі. Не менш прыемным момантам стала ўручэнне ў сувязі з 80-годдзем утварэння Дзятлаўшчыны Ганаровых грамат Дзятлаўскага раённага выканаўчага камітэта і Дзятлаўскага раённага Савета дэпутатаў заслужаным працаўнікам раёна. Разам з імі Ганаровай граматай галоўнага ўпраўлення адукацыі Гродзенскага аблвыканкама была адзначана настаўніца гімназіі № 1 горада Дзятлава Наталля Клімец – пераможца абаснога этапу конкурсу “Настаўнік года-2020” у намінацыі “Гісторыя, грамадазнаўства, геаграфія”. Наталля Паўлаўна цяпер актыўна рыхтуецца да ўдзелу ў рэспубліканскім этапе конкурсу. Нашы землякі не толькі выдатна працуюць, але і актыўна ўдзельнічаюць ў прафсаюзным руху, таму эстафету ўручэння ўзнагародаў пераняў старшыня Дзятлаўскага раённага камітэта прафсаюза работнікаў аграпрамысловага комплексу Уладзімір Казак. Ён уручыў пасведчанне аб занясенні на абласную прафсаюзную Дошку гонару Алене Зеньчык з ААТ “Граніт-Агра”, пасведчанне аб занясенні на стэнд “Лепшы прафсаюзны актывіст” – Марыне Гайдук з ААТ “Дварэцкі льнозавод”, Ганаровую грамату Гродзенскага абкама прафсаюза работнікаў АПК – Святлане Драб з КСУП “Белагурна”. Летапісам добрых справаў нашых заслужаных землякоў, скарбонкай “залатога фонду Дзятлаўшчыны” з’яўляецца Кніга Славы Дзятлаўскага раёна. У свой час яна была створана рашэннем Дзятлаўскага раённага выканаўчага камітэта. У кнізе ужо ёсць імёны 53 прадстаўнікоў розных прафесій, якія сваёй адданасцю справе, дасягненнямі, творчымі праектамі, працоўнай, навуковай дзейнасцю паспрыялі развіццю нашай роднай старонкі. “За значны ўклад у сацыяльна-эканамічнае развіццё раёна, будаўніцтва сацыяльна значных аб’ектаў” сёлета ў Кнігу Славы было занесена імя Уладзіміра Логаша. Пасведчанне аб гэтым уручылі лепшаму сябру Уладзіміра Логаша – Пятру Свібу. Яшчэ адно пасведчанне атрымала дачка ветэрана Вялікай Айчыннай вайны, жыхара вёскі Лозкі Фёдара Шалеснага. Яго імя было занесена ў Кнігу Славы Дзятлаўскага раёна “за добрасумленную працу, мужнасць і адвагу, праяўленыя пры абароне Айчыны і яе дзяржаўных інтарэсаў”. Дзятлаўчане не толькі старанна працуюць, але і ўмеюць весела адпачываць: фінальным акордам урачыстасці стала святочная канцэртная праграма “Віншуем цябе, мой любы край!” ад артыстаў і творчых калектываў раёна. Цікавыя выставы падрыхтаваў Дзятлаўскі гісторыка-краязнаўчы музей. Адна была прасвечана Дню Незалежнасці Рэспублікі Беларусь, дзе адзначаны самыя важныя моманты ў жыцці нашай незалежнай краіны. На выставе да 80-годдзя Дзятлаўскага раёна можна было паглядзець, якіх поспехаў дасягнуў наш раён за гэтыя гады ў розных сферах: спорце, культуры, прамысловасці, адукацыі, медыцыне, сельскай гаспадарцы. Ужо з раніцы ў горадзе адчувалася святочная атмасфера. На плошчы 17 Верасня ладзілася выстава-продаж народных майстроў дэкаратыўна-прыкладнога мастацтва “Майстэрства рук табе, краіна наша”. Умельцы прапаноўвалі вырабы на любы густ і для дарослых, і для дзяцей: упрыгажэнні для валасоў, завушніцы і брошкі, лялькі ручной работы, вырабы са звычайнай і папяровай лазы, любімыя многімі бяспройгрышныя латарэі.

З бібліятэкай не засумуеш На інтэрактыўных пляцоўках раённай бібліятэкі было па-святочнаму весела і разнастайна. Пляцоўка “Зецельская гасцёўня”, прымеркаваная да 80-годдзя Дятлаўскага раёна, правяла гасцей свята сцяжынкамі гісторыі роднага краю. Тут можна было пазнаёміцца з уладарамі Дзятлаўшыны: ад Канстанціна Астрожскага да Станіслава Солтана. Кніжная выстава “80-годдзю Дзятлаўскага раёна прысвячаецца” прадставіла кнігі дзятлаўчан і кнігі пра Дзятлаўшчыну. Сярод новых – кнігі Міхаіла Лук’янчыка, Леанарды Юргілевіч, Алены Абрамчык. Гістарычная фотавыстава, сабраная работнікамі Дзятлаўскай раённай бібліятэкі прадставіла наведвальнікам Дзятлава мінулага, даўно забытае, а некаторым — нават невядомае. “Чайная чытальня” з куфэркам добрых кніжак, самаварам ды абаранкамі запрашала гасцей свята адпачыць у цэнтры горада за кніжкай і кубачкам духмянага чаю. Забаўляльная праграма “Кошык весялосці” сабрала дзяцей і падлеткаў для ўдзелу ў гульнявой праграме. Канкурсанты паказалі свій спрыт, дасціпнасць і камандны дух. Атрымалі за гэта прыемныя сувеніры. Самыя маленькія госці свята маглі размясціцца проста на дыване і пагуляць у настольныя гульні ці пачытаць кніжкі з равеснікамі або з бацькамі. Ахвотных зрабіць фота на памяць чакала літаратурная фотазона – выява каларытнага барона Мюнхгаўзена. Табе, родная Дзятлаўшчына! Гісторыка-краязнаўчы музей горада Дзятлава сабраў нераўнадушных да паэзіі людзей. Мерапрыемства было прымеркавана да Дня Незалежнасці Рэспублікі Беларусь, 80-годдзя з дня ўтварэння Дзятлаўскага раёна і 125-годдзя нашага земляка Ігната Дварчаніна. У літаратурную гасцёўню на адкрытым паветры “Паэты Дзятлаўшчыны раёну прысвячаюць” завіталі і юныя чытальнікі, і мясцовыя паэты – удзельнікі літаратурнага аб’яднання “Пралескі”. У іх выкананні прагучалі знакамітыя творы беларускіх паэтаў пра Радзіму, вершы нашых славутых дзятлаўчан і ўласныя пробы пяра. Удзел у імпрэзе ўзялі ўсе жадаючыя. Госці мерапрыемства пацікавіліся міні-галерэяй “Нашы знакамітыя землякі”, дзе былі прадстаўлены партрэты вядомых людзей аўтарства Мікалая Несцярэўскага. Вядучая літаратурнай гасцёўні Алена Абрамчык прэзентавала прысутным сваю новую кнігу публіцыстыкі “Дзятлаўскі край: вядомыя і невядомыя старонкі”.

Добрым падарункам дзятлаўчанам да Дня Незалежнасці і 80-годдзя Дзятлаўскага раёна стала выступленне ансамбля “Песняры” ў рамках рэспубліканскага фестывалю “Майстры мастацтваў – працаўнікі вёскі”. У мінулым годзе ансамбль адзначыў паўвекавы юбілей, а сёлета прывёз у Дзятлава цікавыя прэм’еры і добра вядомыя хіты. Паслухаць музыкаў і патанцаваць сабралася намала аматараў беларускай песні. “Волагду” і “Алесю” разам з музыкамі спявала ўся плошча 17 Верасня. У складзе ансамбля “Песняры” Дзятлаўшчыну наведаў наш зямляк Аляксандр Жых. Ён выступае на радзіме напярэдадні свайго юбілейнага дня нараджэння. Павіншаваць яго прыехала на канцэрт матуля, старшыня Данілавіцкага сельвыканкама Ганна Жых. Святкаванне Дня Незалежнасці Рэспублікі Беларусь і 80-годдзя ўтварэння Дзятлаўскага раёна прадоўжылася ўвечары. Арганізатары святочнай праграмы запрасілі моладзь горада на плошчу 17 Верасня на танцавальна-забаўляльную праграму “За Беларусь!”.

2 и 3 июля в аг. ГЕЗГАЛЫ  прошли праздничные мероприятия,посвященные Дню Независимости Республики Беларусь и 80-летию образования Дятловского района. Своим хорошим настроением поделились с жителями агрогордка участники любительского творчества в концертной программе «Зямля, што крылы нам дае». Жителям была предложена радиогазета «Ты в сердце моем,Беларусь!»,выставка декоративно-прикладного творчества «Наш талант тебе — моя страна!».А для маленьких жителей работал аттракцион «Батут».

03 июля в аг. Крутиловичи прошла музыкально-развлекательная программа «Молодёжный ретро-бум» подготовленная творческим коллективом отдела культуры и досуга «Даниловичский Дом культуры» приуроченная к главному празднику — Дню Независимости Республики Беларусь и 80-летию образования Дятловского района.