Вайны імгненні ў памяці нашчадкаў
На Дзятлаўшчыне ў рамках рэспубліканскага праекта “Беларусь памятае. Памятаем кожнага” ў сельскіх саветах і арганізацыях раёна прайшлі вахты памяці, прысвечаныя 75-годдзю Перамогі савецкага народа ў Вялікай Айчыннай вайне. Новаяльнянскі сельскі савет Мяляхавіцкі сельскі савет Вензавецкі сельскі савет Жукоўшчынскі сельскі савет Казлоўшчынскі сельскі савет Войневіцкі сельскі савет Данілавіцкі сельскі савет Дварэцкі сельскі савет Парэцкі сельскі савет Дзятлаўская ЦРБ Дзятлаўскі філіял ААТ «Молочный Мир» ДЛГУ «Дзятлаўскі лясгас»
У Дзятлаве адзначылі Дзень Вялікай Перамогі
Дзень Перамогі – адно з найвялікшых святаў беларускага народа. Свята памяці і павагі, удзячнасці тым, хто змагаўся за мір на зямлі. 9 мая ўрачыстыя мерапрыемствы, прысвечаныя 75-годдзю Перамогі савецкага народа ў Вялікай Айчыннай вайне, прадоўжыліся мітынгам ля помнікаў героям Савецкага саюза Яну Фогелю, Паўлу Пятрову і вызваліцелям Дзятлава. У межах рэспубліканскага праекта “Беларусь памятае. Памятае кожнага” работнікі працоўных калектываў Дзятлаўшчыны, прадстаўнікі мясцовых уладаў усклалі вянкі і кветкі да помнікаў. Прысутныя ўшанавалі хвілінай маўчання памяць салдат, якія змагаліся на франтах вайны, мірных жыхароў, загінулых у ваенны час. Старшыня Дзятлаўскага райвыканкама Андрэй Садоўскі нагадаў пра важнасць свята 9 Мая:– У гэтым годзе свята Вялікай Перамогі адзначаецца не так маштабна, як у мінулыя гады. Тым не менш, гэтай даце мы надаём найвялікшую ўвагу і пашану. Надта высокая цана адданая за мір на зямлі, і мы, хто жыве сёння, не маем права забывацца салдат, якія ўласнай мужнасцю, гераізмам, а часта і цаной уласнага жыцця набліжалі гэты дзень. 1080 жыхароў Дзятлаўшчыны не вярнуліся з франтоў вайны, загінулі каля 11 тысяч мірных жыхароў, чатыры вёскі паўтарылі лёс Хатыні. Задача маладога пакалення – захаваць дух свята для нашчадкаў. Старшыня Дзятлаўскага райвыканкама адрасаваў жыхарам Дзятлаўшчыны пажаданні мірнага неба, здароўя, дабрабыту, і святочнага настрою. Галоўнае, падкрэсліў кіраўнік раёна, каб страшныя падзеі ваеннага ліхалецця ніколі не паўтарыліся на нашай зямлі.На працягу мерапрыемства варту памяці нёс ганаровы піянерскі каравул Дзятлаўскага РС ГА «БРПА».