Месяц: Ноябрь 2019

6 лістапада ў Дзятлаўскім раённым цэнтры культуры і народнай творчасці прайшоў урачысты канцэрт “Мінулага гартаючы старонкі”, прымеркаваны да Дня Кастрычніцкай рэвалюцыі. Экскурс у савецкае мінулае дзятлаўчанам падарылі артысты нашага раёна і вядучыя праграмы Аляксандр і Людміла Баклушыны. Яны ўзгадалі, як урачыста святкаваўся гэты дзень у савецкія часы і, вядома ж, павіншавалі прысутных са святам, пажадалі ім аптымізму, здароўя, добрага святочнага настрою. Настрой і сапраўды быў узнёслы, дзякуючы канцэртным нумарам. Для гледачоў з усяго раёна, якія сабраліся ў зале, свае музычныя, танцавальныя і вершаваныя падарункі падрыхтавалі навучэнцы і артысты Дзятлаўшчыны. Песні выконвалі Іван Кашко, Таццяна Шостка, Марына Шаўчук, Тамара Ступак, Сяргей Малышчык, Аляксандр Маляўка, Аляксандр Баклушын, Марына Варган. Танцам матроса “Яблычка” гледачоў парадавала Наталля Бузук.

Урачыстыя провады на службу ў войска прайшлі 5 лістапада. У зале Дзятлаўскага цэнтра культуры сабраліся прызыўнікі, іх родныя, сябры, прадстаўнікі раённага ваеннага камісарыята, моладзевай арганізацыі, святарства, каб ва ўрачыстай абстаноўцы хлопцы атрымалі павесткі на вайсковую службу і службу ў рэзерве. Урачыстыя провады сталі традыцыяй. І традыцыйна да прызыўнікоў з пажаданнямі ў добры шлях звярнуліся прысутныя на ўрачыстасці. Добрай службы пажадаў хлопцам выконваючы абавязкі раённага ваеннага камісара Андрэй Волкаў. Ён выказаў спадзяванні, што маладыя абаронцы Айчыны сумленна выканаюць свой канстытуцыйны і грамадзянскі абавязак і водгукі пра службу дзятлаўчан будуць толькі станоўчыя. Андрэй Міхайлавіч уручыў павесткі прызыўнікам. Шчаслівага вяртання ўзмужнелымі, абучанымі вайсковым спецыяльнасцямпажадала прызыўнікам першы сакратар райкама ГА “БРСМ” Кацярына Хілімончык. Наказ добра служыць пачулі  хлопцы ад праваслаўнага і каталіцкага святароў. Не баяцца цяжкасцяў, набыць жыццёвы вопыт, займець надзейных сяброў пажадалі хлопцам і благаславілі іх айцец Сергій з Дварца і Здзіслаў Пікула з Дзятлава. Наказ ад імя бацькоў прызыўнікам выказала Таццяна Нікіпорчык. Усім прызыўнікам і свайму сыну яна пажадала мірнай службы. Таццяна Сямёнаўна верыць, што хлопцаў будзе ахоўваць мацярынская любоў, малітвы і ўпэўненасць, што ўсё будзе добра. І да ўсіх выказаных пажаданняў далучылася вядучая мерапрыемства Наталля Маліноўская. Годна будзем служыць – такое абяцанне даў ад імя прызыўнікоў Андрэй Малахоўскі. У час урачыстасці мясцовыя артысты дарылі хлопцам песні. Для прысутных у зале спявалі Сяргей Малышчык, Ала Чарняўская, Таццяна Дудкіна, Марына Варган, Марына Шаўчук, Дар’я Кончык.

2 ноября в отделе культуры и досуга «Гезгаловский Дом культуры» прошёл праздник именинника «С Днём рождения!».Много музыки, танцев и песен,весёлая игровая программа,хорошее настроение — всё это подарили ребятам работники культуры отдела.

У аддзеле культуры і дасуга “Данілавіцкі Дом культуры” 02.11.2019 прайшла сустрэча з наведвальнікамі прышкольнага лагера “Весяльчак” Круцілавіцкага д/с-СШ у рамках дня прафесій “Кожная прафесія самая важная”.Святлана Міхайлаўна, загадчык дома культуры, у самым пачатку сустрэчы, правяла з прысутнымі гульню для ўзняцця настрою. Затым яна распавяла ў чым заключаецца праца культработніка. Прысутныя даведаліся, што Дом культуры гэта месца, дзе можна адпачыць душой, пагутарыць, пагуляць, сустрэцца з сябрамі, пабываць у ролі артыста або паглядзець творчасць другіх на сцэне. А хтосьці проста прыходзіць адпачыць ад паўсядзённага побыту.Галоўная задача работнікаў культуры-дарыць людзям радасць!

1 лістапада на вайсковых могілках, якія знаходзяцца ў лясным масіве непадалёку ад рэспубліканскай туберкулёзнай бальніцы “Наваельня”, адбыўся жалобны мітынг. Нагодай для яго правядзення стала перапахаванне знойдзеных астанкаў загінулых у гады ВялікайАйчыннай вайны абаронцаў Айчыны. Летам 2019 года на тэрыторыі Дзятлаўскага раёна вялі раскопкі 52-і особны пошукавы батальён,прадстаўнікі грамадскага аб’яднання “Бацькаўшчына” з Беларусіі “Отечество” з Расіі. Былі знойдзены астанкі  трох байцоў Чырвонай арміі, якія ў 1941 годзе загінулі пры спробе вырвацца з акружэння. На жалобны мітынг сабраліся прадстаўнікі раённай і мясцовай улады, моладзевых арганізацый, грамадскасці, святарства, вайскоўцы, школьнікі, работнікі культуры. Да прысутных звярнуліся старшыня Дзятлаўскага раённага Савета дэпутатаў Аляксандр Бараноўскі і старшыня Новаяльнянскага сельвыканкама Ірына Кунахавец. Яны заклікалі  моладзь шанаваць памяць тых, хто цаной свайгожыцця адстаяў свабоду і незалежнасць нашай радзімы. На вайсковых могілках у Наваельні спачываюць 154 воіны і партызаны, якія загінулі пры вызваленні раёна ці памерлі ад ран у мясцовым шпіталі ў 1944 годзе. Гэты жалобны пералік папоўнілі яшчэ тры  ахвяры ліхалецця. Іх імёны невядомы. Жалобную літургію па загінулых адслужыў протаіерэй храма Нараджэння Прасвятой Багародзіцы гарпасёлка Наваельня Валерый Мануйла. Пад гукі ваеннага салюта воіны 11-й механізаванай брыгады са Слоніма апусцілі труны ў новаяльнянскую зямлю. Памяць тых, хто не вярнуўся з бою, памёр ад ран у ваенных шпіталях, быў замучаны ў фашысцкіх лагерах смерці, прысутныя ўшанавалі хвілінай маўчання. Да брацкай магілы чырвонаармейцаў моладзь, школьнікі, прадстаўнікі грамадскасці ўсклалі вянкі і кветкі.