День: 18.08.2018

Свята яблык у Жукоўшчыне У рамках праекта “Дбайных людзей славім – весела час бавім” прайшло “Свята Яблык”, якое штогод праходзіць у аграгарадку Жукоўшчына – лідара па вырошчванні і рэалізацыі сартавых яблык. Са словамі прывітання да аднавяскоўцаў і гасцей свята звярнуўся старшыня Жукоўшчынскага сельвыканкама Валерый Верамейчык, які пажадаў усім бадзёрага настрою, ветлівых усмешак, актыўнага адпачынку, а ўдзельнікам сельскай эстафеты –спартыўнай удачы, даўгачаканых перамог. Права для ўзнагароджання самых дастойных працаўнікоў гаспадаркі прадаставілі дырэктару КСУП “Жукоўшчына” Івану Свібу і галоўнаму спецыялісту па ідэалагічнай рабоце Алене Свіб. Іван Аляксандравіч падзякаваў працаўнікоў за плённую працу і станоўчыя вынікі, пажадаў новых поспехаў і перамог, моцнага здароўя і дабрабыту. З віншаваннямі і музычнымі падарункамі завіталі на галоўную пляцоўку госці аграгарадка – ансамбль “Гуляй, Бульбаш” з горада Мінска. Артысты сталічнага песенна-танцавальнага калектыву падарылі ўдзельнікам святочнага мерапрыемства цудоўныя песні. Потым лірычнае замілаванне актыўнага адпачынку змяніў настрой са спартыўным запалам. Каманды сельгасарганізацый “Жукоўшчына”, “Хвінявічы” і “Вензавец” хутка занялі стартавыя пазіцыі. На працягу трох этапаў спаборніцтваў камандам-удзельніцам трэба было сабраць ураджай яблык, акуратна перавесці яго да месцапрызначэння, сабраць частку ўраджаю на зімовае захоўванне, а конкурс на хуткасць і спрыт нарэшце стварыў кругаварот яблыкаў у камандзе. Па выніках спаборніцтваў перамогу ў сельскай вясёлай эстафеце атрымала каманда КСУП “Жукоўшчына”, на другім месцы – КСУП “Хвінявічы”, трэцяе месца – у каманды КСУП “Вензавец”. Старшыня Жукоўшчынскага сельвыканкама Валерый Верамейчык уручыў капітанам каманд дыпломы і каштоўныя падарункі. Падтрымаць жыхароў аграгарадка Жукоўшчына прыехалі супрацоўнікі ААТ “Граніт-Агра”. Калектыў артыстаў ансамбля народнай паесні “Суседачкі” Данілавіцкага дома культуры падарылі ўдзельнікам святочнай праграмы шчырыя песні і багатыя на гумар байкі.

«ЛЮБИМЫЕ МЕЛОДИИ» 18 АВГУСТА В СКБ АГ.БЕЛОГУРНО СОСТОЯЛСЯ ВЕЧЕР ТАНЦЕВ «ЛЮБИМЫЕ МЕЛОДИИ» . НА ПРОТЯЖЕНИИ ВСЕГО ВЕЧЕРА ЗВУЧАЛИ ПЕСНИ 70-Х И 80-Х ГОДОВ. УЧАСТНИКАМ ВЕЧЕРА ПРЕДЛАГАЛАСЬ ВИКТОРИНА НА ТЕМУ ПЕСЕН ПРОШЛЫХ ЛЕТ,КОНКУРС «УГАДАЙ МЕЛОДИЮ», «ЛУЧШЕЕ ИСПОЛНЕНИЕ ТАНЦА» И ДР. ВЕЧЕР ПРОШЁЛ ИНТЕРЕСНО И ВЕСЕЛО.

МАЯ ЗЯМЛЯ ЯКОЙ НЯМА МІЛЕЙ… Пад такой назвай Наваельня 18 жніўня адзначала сваё асабістае свята пасёлка. Асабліва, у год малой Радзімы, многа цёплых слоў было пажадана землякам.  А якая ўрачыстасць без падарункаў? І яны былі: гэта і выступленне Наваельнянскага  зводнага духавога аркестра з салістамі г. Дзятлава, якім самі наваельнянцы ганарацца, музыку якога любяць слухаць. Многія наваельнянцы ў гэты дзень атрымалі асабістыя падарункі. Іх віншавалі калегі па працы, родныя, сябры. На свяце пасёлка былі ўшанаваны лепшыя працаўнікі – за шматгадовую, плённую, творчую працу. Іх імёны занесены на Дошку гонару пасёлка Наваельня. Цяпер у Наваельні працуе 51 арганізацыя, прадпрыемства і прыватная фірма. Яны, па магчымасцях, уносяць свой уклад у добраўпарадкаванне пасёлка. Падзячныя словы на адрас самых руплівых выказала старшыня сельвыканкама Ірына Кунахавец у час урачыстасці – калектывам Наваельнянскай школы, ясляў-садка, Наваельнянскага лясніцтва, сельгастэхнікі, туббальніцы, Наваельнянскай гарбальніцы. ОАО “ Гроднастройізаляцыі”,ОАО » Гроднаштормет”. Падарункі і падзякі на свяце атрымалі самыя дбайныя гаспадары – пераможцы пасялковага конкурсу на самы ўпарадкаваны двор і самы дагледжаны кветнік. Прыемным падарункам стала выступленне музычнага тэатра “Рада “ з г. Гродна. Свята Наваельні сабрала шмат жыхароў. Дарослыя і малеча запоўнілі пасялковы стадыён. Наваельнянцы мелі магчымасць паслухаць песні і музыку, патанцаваць, пачаставацца прысмакамі, якімі гандлявалі кропкі райспажыўтаварыства і  прыватныя прадпрымальнікі, попыт быў на атракцыёны і бяспройгрышную латарэю.