Музычнае кафэ “Сямейнае”
Музычнае кафэ “Сямейнае” Прадстаўнікі Раклевіцкага дзіцячага сада-базавай школы, КСУП “Русь- Агра” і Раклевіцкага дома культуры правялі творчае свята да Міжнароднага дня сям’і. У танцавальнай зале ўстановы культуры гасцей чакалі “салодкія” столікі, чароўная музыка і святочнае ўбранства. Усіх віталі юныя артысты Раклевіцкага дзіцячага сада-базавай школы. Яны падрыхтавалі для ўдзельнікаў музычнага кафэ вялікую канцэртную праграму. Прыгожыя мілагучныя песні, захапляючыя танцы, гульні і конкурсы выклікалі ў прысутных радасць – госці не адводзілі вачэй ад дзяцей. А цікавая танцавальна-забаўляльная праграма і музычныя нумары ў выкананні дарослых удзельнікаў свята яшчэ больш узнімалі настрой. Пройдзе невялікі прамежак часу і за “салодкія” столікі пакліча музычнае кафэ “Летняе”.