✨🌿КРЫНІЦА НАРОДНАЙ ТВОРЧАСЦІ ПАНЯМОННЯ🌿

Як удзельнікі дзіцячага клуба народных традыцый “Крыніца” філіяла “Дварэцкі дом культуры”рыхтуюцца да Вялікадня. Напярэдадні свята дзеці пазнаёміліся з традыцыямі святкавання Вялікадня, народнымі абрадамі і сімваламі свята – фарбаванымі яйкамі і кулічамі.

Удзельнікі клуба спрабавалі фарбаваць яйкі ў цыбульнай шалупіне, распісвалі яйкі фарбамі, даведаліся, што такія яйкі называюцца пісанкамі. Таксама пагулялі ў народныя гульні “Качанне яек”, “Круціся яйка” і ў “Біткі”, загадваючы пры гэтым жаданне.

А напрыканцы сустрэчы вывучылі вялікодныя вершыкі і песні, з якімі будуць віншаваць жыхароў аграгарадка Дварэц пад час Валачобнага абраду.