Рубрика: Новости

Акция «Меняем сигарету на конфету»                    31 мая работниками отдела культуры и досуга «Козловщинский Дом культуры» проведена акция «Меняем сигарету на конфету», посвящённая Всемирному дню без табака. 

«І няма ў цэлым свеце выдатней, роднай вёскі маёй»                  «І няма ў цэлым свеце выдатней, роднай вёскі маёй» пад такой назвай 28 мая прайшло свята вёсак-суседак Варакомшчына і Рабкі падрыхтаванага аддзелам культуры і дасуга «Данілавіцкі Дом культуры». Распачала свята старшыня Данілавіцкага сельскага выканаўчага камітэта Ганна Мікалаеўна Жых. Яна зазначыла, што вёска-гэта незабыўная казка, куды хочацца вярнуцца ізноў і ізноў. Вядучая Таццяна Буча запрасіла аднавяскоўцаў зазірнуць у учарашні дзень, у  гісторыю нашых вёсак, іх людзей. І не для простай цікавасці, а каб яшчэ раз зразумець, адчуць з чаго мы пачыналі,каб аддаць павагу дзядам і бацькам нашым. На працягу свята ўшаноўвалі самых старэйшых жыхароў вёсак: вёска Варакомшчына Лазовік Ніна Міхайлаўна 87 гадоў. Вёска Рабкі:Талкун Віктар Паўлавіч 93 года, Нагорная Алена Станіславаўна 93 года. Самых маленькіх — Куркоўскага  Аляксея  Васільевіча  28.05.2015, Баравіка Яўгена Андрэевіча 26.03.2015. Дарылі музычныя падарункі юбілярам, якія адзначылі і якія яшчэ будуць адзначаць свой юбілей. Перад пачаткам свята быў аб’яўлены конкурс на лепшую сядзібу, двар, квятнікі інш. Вынікі намінацый падвяла і ўручыла падзячныя лісты і каштоўныя падарункі Ганна Мікалаеўна Жых. На працягу свята святочны настрой дарылі; ансамбль народнай песні «Суседачкі», Насця Бортнік, Мілана Падліпская, Яўгенія Анушкевіч, Дарына Заваротная.

«Танцуем па-даўнейшаму» 28 мая Дзятлаўшчына прымала удзел у абласным фестывалі-свяце “Танцуем па-даўнейшаму” у аг. Тарнова, Лідскага р-н. Па выніках фестывалю наступныя рэзультаты. Узроставая катэгорыя 18-30 гадоў Харошка Наталля;  Ракуць Уладзіслаў – Лаўрэаты ІІ ступені (Цэнтр культуры г. Дзятлава) Узроставая катэгорыя 11-13 гадоў Кавальчук Марыя; Ерамейчык Арцём — Лаўрэаты ІІІ ступені (аддзел культуры і дасуга “Казлоўшчынскі ДК) Узроставая катэгорыя 14-17 гадоў Заяц Арцём; Дабрынская Аксана — Лаўрэаты ІІ ступені (аддзел культуры і дасуга “Гезгалаўскі ДК”) Узроставая катэгорыя “Каму за 50”          Петраш Іван; Вішнарэўская Таццяна — Лаўрэаты ІІ ступені (аддзел культуры і дасуга “Раклевічскі ДК”) Узроставая катэгорыя 31-50 гадоў Бузук Наталля; Понік Максім – дыплом за удзел Узроставая катэгорыя “Калектывы”          Народный фальклорны калектыў в. Погіры — Гран Пры фестываля Лаўрэаты ІІІ ступені.  Мастацкі кіраўнік – Тамара Ступак          (Сектар па арганізацыі дасуга “Жукоўшчынскі ДК”) Усе удзельнікі ўзнагароджаны медалямі фестваля. Пераможцы будуць запрошаны на заключны канцэрт на абласны рэгіянальны фестываль традыцыйнай культуры “Скарбы Гродзеншчыны”. ‘

Свята лёну ў Дварцы: дэфіле мадэляў 17 юных дварчан – дзяўчынкі і самы адважны з хлопцаў – прынялі ўдзел у конкурсе мадэляў. Касцюмы іх былі выкананы з дапаможных матэрыялаў – паперы, пластыка, газетаў, шпалераў, а таксама з лёну. Адбылося дэфіле мадэляў. Прыз сімпатый гледачоў дастаўся Вераніцы Кашко (“вячэрняя зара”). Пераможцай журы прызнала мадэль Вольгу Радзюк (“вясна”), прызёрамі сталі Аляксандра Нашуцінская (“дзюймовачка”) і Вікторыя Удот (“вясновы букет”).

Свята лёну ў Дварцы: «Вясёлая сельская эстафета» Традыцыйна на святах у аграгарадках праводзіцца “Вясёлая сельская эстафета”. Сёлета ў Дварэц на яе прыехалі сем камандаў. Ім прапанавалі 5 конкурсаў: знаёмства, сяўба лёну, паліванне лёну (тэматычныя), жартоўныя – упрыгож бабулю і пацалуначкі. Найлепш з заданнямі справілася каманда КСУП “Жукоўшчына” ў складзе Яўгена Кійко (капітан), Алёны Сантоцкай, мужа і жонкі Дзмітрыя і Юліі Расолька, Аляксея Вайтушкі і іх ідэйнага натхняльніка Алены Свіб. Каманда ўзнагароджана наборам для пляжнага валейбола ад спонсара стартаў— райкама прафсаюза работнікаў АПК. Другое месца заняло ААТ “Граніт-Агра”. Трэцяе месца дасталося гаспадарам свята — КСУП “Дварэц-Агра”.

Свята лёну ў Дварцы: антураж і фінальная дзея Па водгуках мясцовых жыхарак, у прыватнасці, Алены Ляўшук, Алены Чурай свята спадабалася. Дварчане змаглі пабачыць спартыўную эстафету, цыганскі канцэрт, дзеці пакатацца на машынках, пазабаўляцца на атракцыёнах, нават экстрэмальных, пастраляць у ціры. Прадавалі марожанае, салодкую вату, папкорн. Працавалі выставы падзелак. Былі ў продажы біжутэрыя і лён. Мясцовыя жыхаркі падзякавалі арганізатарам і фундатарам (спонсарам) свята.Фінальнай дзеяй свята лёну стала кампазіцыя “Анёлы надзеі”,  калі на імправізаваную сцэну каля школы выйшлі на танец маленькія дварчане – надзея і будучыня аграгарадка.Паветраныя шары былі адпушчаны ў неба, як святочны салют.

Свята лёну ў Дварцы: канцэрт цыганскага ансамбля «Жемчуга» Спадабалася дварчанам выступленне цыганскага ансамбля песні і танца “Жемчуга” з Мінска.Артысты не толькі выконвалі цыганскія песні і танцы, але і паказалі абрад «Цыганскага вяселля». Ролі ў ім запрасілі выканаць мясцовых жыхароў.Артысты выканалі цыганскія прыпеўкі, танцы цыганоў Персіі, танец з цыганскімі лялькамі.Артыстаў актыўна падтрымлівалі гледачы, заўзята танчыла дзятва.Публіка была ў захапленні ад яркіх фарбаў, рытмаў, прыгожых дзяўчат і хлопцаў.

Свята Лёну ў Дварцы Летась стартаваў раённы праект “Дбайных гаспадароў славім, весела час бавім” і пачаў ажыццяўляцца ён менавіта з Дварца. Сёлета праект прадоўжаны. Аграгарадок Дварэц першы прыняў гасцей  на Свяце лёну. Яно праходзіла тут суботнім днём, 27 мая. Распачаў свята танцавальны калектыў работнікаў культуры танцам “Полька”. Затым вядучыя свята Людміла Баклушына і Ірына Цяцерына далі слова для прывітання старшыні Дварэцкага сельвыканкама Тамары Перапечынай. Яна адкрыла свята і пажадала дварчанам добрага адпачынку.Святочную эстафету падхапілі вучні групы падоўжанага дня 2-3 класа Дварэцкай школы. Яны зладзілі модны цяпер флэшмоб. Пра Дварэцкі льнозавод расказаў яго дырэктар Яўген Варган. Ён выказаў спадзяванне, што фінансавае становішча завода палепшыцца, прадпрыемства і калектыў будуць на тых пазіцыях, як у 2014-2015 гадах, калі завод займаў першыя месцы ў абласным спаборніцтве. На свята былі запрошаны і ўшанаваны завадчане, якія шмат гадоў адпрацавалі на прадпрыемстве. Гэта Ганна Канстанцінаўна Сямашка, Іосіф Рыгоравіч Трубко, Іосіф Уладзіміравіч Ляпешка, Ганна Сцяпанаўна Сідорчык, Міхаіл Уладзіміравіч Сёмуха, Леакадзія Стэфанаўна Гайдук, Марыя Аляксандраўна Маліка, Леанід Браніслававіч Ганчар, Вольга Міхайлаўна Канус, Ніна Мікалаеўна Сямашка. На жаль, не змаглі пабыць на ўрачыстасці Сабіна Станіславаўна Трубко і Леанарда Іванаўна Міснік. Але ім былі адрасаваны пажаданні здароўя і бадзёрасці. Як паведаміла спецыяліст па ідэалагічнай рабоце завода Ала Хамко, гэтыя людзі былі прыняты на працу з першага дня пуска завода, у 1954 годзе. Ветэранам ўручылі кветкі, граматы, падарункі.  На свяце ўшанавалі тых, хто справіў ільняное вяселле, пражылі ў шлюбе чатыры гады. Гэта Ларыса і Андрэй Ганчары, Іна і Анатоль Ляпешкі. Праўда, на свяце прымалі віншаванні жонкі і дзеці, бо бацькі былі на працы.

Тематический вечер «Жизнь прекрасна – не губи ее» 26.05.2017г. В Доме культуры прошло мероприятия по профилактике СПиДа, тематический вечер «Жизнь прекрасна –не губи её». Для участников вечера была проведена викторина «Что ты знаешь о СПИДе», показан видиофильм, звучали песни на злободневную тему. О профилактике заболевания рассказала заведующая Вензовецким ФАПпом, фельдшер Лебецкая Валентина Николаевна.

                     Адкрыты рэгіянальны фестываль-карнавал роставых лялек «Дасканалы свет казкі» Дзеці і дарослыя, мясцовыя жыхары і госці Дзятлава мелі магчымасць папрысутнічаць на фестывалі-карнавале роставых лялек і гульнёвых праграм. Ён ладзіўся ў Дзятлаве 26 мая на пляцоўцы каля Цэнтра культуры і народнай творчасці, а таксама ў глядзельнай зале. Але перш, чым прапанаваць гледачам казкі і забавы, артысты ў казачных касцюмах удзельнічалі ў шэсці па вуліцах Дзятлава. Іх суправаджаў Наваельнянскі зводны духавы аркест. Пад бадзёрыя маршы прайшліся па вуліцах Перамогі, Чырвонаармейскай, плошчы 17 Верасня, вуліцы Міцкевіча героі мультфільмаў і казак. Іх фатаграфавалі, віталі дзятлаўчане. У шэсці прынялі ўдзел звыш паўсотні роставых лялек на чале з Катом у ботах. Гэту новую ляльку – самую вялікую і прыгожую – прэзентаваў сам кіраўнік Тэатра гульні роставых лялек “Лялькі для ўсіх” Іван Каско. Шчыра кажучы, удзельнікаў на фестываль чакалася больш. Аднак па аб’ектыўных прычынах некаторыя госці не прыехалі. Фестывалілі па-суседску: дзятлаўчане, навагрудчане, прадстаўнікі Карэліцкага, Зэльвенскага і Свіслацкага раёнаў. На фестываль-карнавал калектывы прывезлі розныя праграмы, але аб’яднала артыстаў імкненне парадаваць, павесяліць дзятву і дарослых. Менавіта выдатнага настрою, знаёмства з новымі цікавымі героямі-лялькамі пажадала на пачатку фестывалю Наталля Калодка, начальнік аддзела ідэалогіі, культуры і па справах моладзі Дзятлаўскага райвыканкама. Яна зычыла ўдзельнікам поспехаў, а перамогі – мацнейшым. Журы няпроста было вызначыць лепшы калектыў. Але яно урэшце агучыла вынікі. Дыпламантам першай ступені стаў народны тэатр-студыя “Карагод” з аграгарадка Грынкі Свіслацкага раёна (кіраўнік Марыя Самалевіч). Таксама ў пераможцах дзятлаўчане – Тэатр гульні роставых лялек “Лялькі для ўсіх” пад кіраўніцтвам Івана Каско. Нашы госці са Свіслачы павезлі дахаты галоўны прыз фестывалю – роставую ляльку “Сонейка”. Гэта перамога на рахунку “Карагода” – не першая, бо калектыў існуе ўжо 16 гадоў. Быў на “Славянскім базары”, фестывалі Нацыянальных культур у Гродне, фестывалі ў Воранаве. Усе 16 гадоў кіруе калектывам Марыя Мікалаеўна Самалевіч. Да тэатральнай дзеі яна прыахвоціла сваю нявестку Дар’ю, касцюмерам у калектыве – дачка Наталля. Марыя Мікалаеўна мае тры зборнікі тэатральных пастановак, якія сама піша і ўвасабляе на сцэне. Дапамагаюць ёй у гэтым Святлана Шмыга, Таццяна Завадская, Аксана Пачыноўская. Фестываль-карнавал не абмяжоўваўся гульнямі і пастаноўкамі. У гэты дзень ладзілася выстава вырабаў дзятлаўксіх майстроў. Для дзяцей працавалі каруселі, батуты, надзіманы гарадок. Жадаючыя маглі наведаць гасцёўню “БульбаЁстыка”, рэзідэнцыю Олафа, патанцаваць на дыскатэках, паўдзельнічаць у фестывалі фарбаў. Спонсарамі мерапрыемства выступілі : Дзятлаўскі раённы выканаўчы камітэт; ЦБП № 407 г. Дзятлава філіяла № 413 г. Ліда ААТ ААБ «Беларусбанк», кіраўнік Наталля Барысаўна Барцэвіч, раённая арганізацыя «Грамадскае аб’яднанне «Беларускі саюз жанчын», старшыня Жадейко Алена Іванаўна; ІП Веремейка С. Г., Шалевіч Н У, Панамароў У Ў, Чантук В.Г, ПГУП «Капітал плюс», дырэктар Маркушэўская Л. К.