Напярэдадні 23 лютага на Дзятлаўшчыне ладзіліся святочныя мерапрыемствы да Дня абаронцаў Айчыны і Узброеных Сіл Рэспублікі Беларусь.
У іх прыняло ўдзел кіраўніцтва раёна, прадстаўнікі грамадскіх арганізацый і аб’яднанняў, сілавых структур, працоўных калектываў.
Дзятлаўчане ўшанавалі памяць загінулых у Вялікай Айчыннай вайне воінаў Айчыны, усклалі кветкі да помніка Героям Савецкага Саюза Яну Фогелю і Паўлу Пятрову.
Свята прадоўжылася канцэртнай праграмай у Цэнтры культуры і народнай творчасці горада Дзятлава, якую падрыхтавалі творчыя калектывы і артыстаў раёна.
Павіншаваў землякоў са святам ваенны камісар Дзятлаўскага раёна Генадзь Суравец:
– 23 лютага ў Беларусі адзначаецца вялікае свята, калі мы ўшаноўваем абаронцаў нашай Радзімы удзельнікаў Вялікай Айчыннай вайны, ветэранаў ваеннай службы, тых, хто прайшоў дарогамі Афганістана і хто сёння ў радах беларускай арміі выконвае воінскі і грамадзянскі абавязак. У нашай краіне гэта свята многія дзесяцігоддзі адзначаецца як усенароднае. Абарона Айчыны ва ўсе часы была і будзе справай гонару, доблесці і геройства. Ад усёй душы віншую вас. Поспехаў вам, шчасця, мірнага неба, дабра.
Музычныя падарункі для гледачоў падрыхтавалі калектывы і сольныя выканаўцы раёна – Іван Кашко з сынам Яўгенам, Алёна Гузавец, Ганна Харлінская, Ала Чарняўская, Сяргей Малышчык, Таццяна Шостка, Анастасія Голуб, Таццяна Дудкіна, Андрэй Добыш, Марына Варган, група “Бархат”, танцавальны калектыў “Кропелькі” раённага Цэнтра культуры і народнай творчасці.
Артысты адрасавалі мужчынам Дзятлаўшчыны пажаданні мірнага неба, бадзёрасці духу, моцнага здароўя і ўдачы ва ўсіх справах.
Подписывайтесь на телеграм-канал «Культура Дятловщины» по короткой ссылке @CULTUREDYATLOV И Инстаграм «Центр Культуры Дятлово» по короткой ссылке @tkultury.
